Kenin hnehin Sabalenka a tlang

Aryna Sabalenka chuan tunlai hmeichhe tennis player tha bik a nihzia a lantir leh ta - Italian Open khelh laiah Sofia Kenin chu 3-6, 6-3, 6-3 a hnehin last 16 a in vaw kai.

World number 1 Sabalenka hian Australian Open champion tawh Kenin lakah fiahna hautak a paltlang tiin a sawi theih, a match hmabak chu Marta Kostyuk a ni dawn - ani hian Leylah Fernandez 6-4, 6-2 in a hneh ve thung.

Inelna neih laiah hian Iga Swiatek a tla tawh a, clay court-a inkhel thiam bik Swiatek a tlak tawh avangin Sabalenka tan champion theihna kawng a inhawng zau hle a, kumina a vawi thum nan Masters 1000 title lak ngei a tum dawn a ni.

Inkhel dangah Emma Raducanu leh Coco Gauff te pawhin an khingpui ve ve hnehin last 16 an inhlangkai a, player pahnih te hi nizan khan intawng zui lehin result kan hre hman lo thung.