Sinner a chak

Thla thum chhung hrem a nih hnuah Jannik Sinner a inkhel thei ve leh tawh, a match hmasa berah Mariano Navone hnehin Italian Open second round a lut.

Italian tlangval Sinner hian nikum khan damdawi hman phal loh a hmang tih hmuhchhuah a ni tih hriat chhuah niin hremna a tawk. Inrinni zan khan inlan ve leh tawhin, a khingpui hi 6-3, 6-4 in a hneh.

World number 1 Sinner chuan, "Hun rei tak hnuah ka inkhel ve leh thei ta a, keimahni ramah ngei inkhelin min thlawptu an ṭha em em bawk, anni hian beiseina thar min siamsak," tiin a sawi.

Sinner hian vawiin hian round of 32-ah Jesper De Jong a hmachhawn dawn a ni.