PSG zuitu Marseille leh Monaco

Ligue 1 champion a chianna a rei tawh a, champion lai Paris Saint-Germain tluktu an awm lo - France ram aṭanga season thara Champions League khel tur pawh a chiang leh ta; PSG hnung zuiin Marseille leh AS Monaco ten an khel ang.

Inrinni zan khan Ligue 1 match khelh vek a ni a, Marseille chuan Le Havre chu 3-1 a hnehin pahnihn a dinhmun an luah a, point 62 hmuin season thara European football inelna sang ber khel turin an tling a ni.

AC Monaco pawhin an mamawh zat point an hmu - Monaco hian Takumi Minamino leh Denis Zakaria te goal hmangin Lyon chu 2-0 in an hneh - Marseille leh PSG hnung an zui ve bawk.

Luis Enrique enkawl PSG pawhin an player ṭhate hahchawlh tir chungin Montpellier chu 4-1 in an sawp a, UCL khelh hmabak an nih avangin Ligue 1 match khelh hmabak pakhat an la neihah pawh player ṭha an hahdam tir chhunzawm a rinawm.