IPL khelh chhunzawm theih an beisei

India rama cricket inelna lian leh ngaihhlut hlawh ber - Indian Premier League (IPL) chu India leh Pakistan indo vangin chawlh lailawk a ni a, an khelh chhunzawm leh theih hun tur la chiang lo mah se chhunzawm leh thuai an beisei thung.

Board of Control for Cricket in India (BCCI) apex council member Mamon Majumdar chuan, "Indo vangin inkhelh theih a ni lo a, mipui leh player himna kan ngaihpawimawh hmasak a ngai a, chuvang chuan IPL pawh chawlh lailawk a ni.

"Chawlh a nih avangin player ṭhenkhat chu anmahni ramah an haw a, hei vang hian vawi leh khata inkhelh chhunzawm leh thut theih pawh a ni lo. BCCI chuan club hrang hrang te chu an player ko kir turin a hriattir leh tawh.

"IPL khelh chhunzawm leh hun tur sawi chian theih a la ni lo a, tuna ruahman dan chuan May 15 hnu lamah chuan kan khelh leh theih pawh kan beisei, chutihrualin boruak awm dan thlir tel reng a ni bawk," tiin Vanglaini a hrilh.