July 17 aṭangin MPL12 ṭan dawn

12th May, 2025

Mizoram chhunga football inelna sang ber Mizoram Premier League Season 12 chu July 17, Ningani hian khelh ṭan a ni dawn. CYMA Football 2025 khelh zawh June thla aṭang chuan MPL club tan inbuatsaih ṭan a ṭul ang.

MPL12-ah hian Aizawl FC, Chanmari FC, Mizoram Police, SYS FC, MLS FC (Lawngtlai), Kanan FC, Dinthar FC leh Saikhamakawn FC te an inlan dawn. Kumina inlan tur zinga mi Dinthar FC hi MPL champion hmasa ber an ni a, Chanmari FC elpui ber ṭhin an nih avangin boruak a nung thar dawn.

Chanmari FC hian season thar aṭangin I League an khel dawn a, MPL11 champion Aizawl FC nen I League an khelh dawn avangin team pahnih hi inel nasa tura ngaih an ni. Hei bakah hian Mizoram Police-in recruitment an nei a, MPL10 champion hi dah hniam theih an ni lo ang.