LBS Suzuki CYMA Football 2025: Champion lai Venghnuai an tla

LBS Suzuki 22nd Inter Branch YMA Football Tournament 2025-ah champion lai Venghnuai chuan an match hmasa berah Lungdai 7-0 a hneh loin an tla. Inkhel dangah Hmunṭhain Ramhlun Venglai penalty shootout hmangin an hneh a, Tlangpuin Chhuanthar Tlangnuam 2-1 in an hneh bawk.

Venghnuai hian kum 2023 khan CYMA Football final-ah Tlangnuam hnehin a vawi khat nan an champion a, kuminah erawh nomawi an humhim thei ta lo. Venghnuai champion ṭum hian MPL club-a an veng club-a khel, an venga awmte an chhawr nasa a, dan ang thlapin an champion. Kuminah erawh player en dik nan Voter ID hman a ni a, Venghnuai hian dan thlak hi an tuar ta a ni.

Champion lai hian inelna tih hlawh tlin nan champion nomawi an humhim dawn lo tih hre chungin inelna an hmachhawn a, player inlan zingah Aizawl FC manager leh an LC member F Lalrinmawia bakah tun hmaa Mizo striker ṭha ber zinga mi Ari Benjamin LR Hmar te pawh an inlan. Venghnuai hi inelna zahawmna chhawm nungtute zinga mi a ni.