Jonathan Tah-a'n a zawm tur la tichiang lo

Germany international defender Jonathan Tah-a'n Bayer Leverkusen tana a khelh chhunzawm loh tur thu a tichiang tawh a, season thara a club zawm tur erawh a la tichiang lo.

Tah chuan, "Ka club thar chungchanga thutlukna hi ka siam fel dawn. A ni tur erawh ruat ka duh lo a, mahse thla hnih chu nghah a ngai tawh lo ang," tiin a sawi.

German defender hian Leverkusen tan kum 10 khel tlingin match 400 a khelh tlinsak a; Bundesliga, DFB Pokal leh DFL Supercup-ah a champion pui vek.