CYMA Football khelh chhunzawm a ni dawn

LBS Suzuki 22nd Inter Branch YMA Foobtall Tournament chu vawiin hian ground paliah khelh chhunzawm a ni dawn. Inelnaah hian team 154 an tel a, ni thum chhungin first round khelh zawh a ni ang.

Chite Playground-ah vawiin hian kum 2005 champion Republic Veng an inlan dawn a, an khingpui tur chu Zemabawk East an ni. Coach Lalsangzuala Hmar enkawl Republic Veng hian hnehna an chang a nih chuan second round-ah Chanmari an hmachhawn thei ang.

Vawiin inkhel tur zingah Zemabawk North an tel a, David Lalrinmuana telna team hian Aizawl FC midfielder Samuel Lalmuanpuia leh Peter Lalrinhlua te an kawl bawk a, en liam ngawt theih an ni lo.

Aizawl khaw pawn team khel tur zingah Tlungvel Venghlun, Kawnpui Venglai, Lengpui Model, Kawnpui Vengthar leh Keifang Venglai te hi team vantlang ni pha tura ngaih an ni. Kawnpui Vengthar leh Keifang Venglai te inkhel tur hi vawiin inkhel en châkawm berah a chhal theih ang.