October 19-ah Assam Rifles versus Bethlehem Vengthlang FC

Assam Rifles-in mipuite nena inṭhian ṭhat lantirna tura an programme duan pakhat bawhzuiin, October 19 tlai hian Assam Rifles Football Team, Shillong leh Mizoram Premier League-a hmahruaitu Bethlehem Vengthlang FC-te Lammualah an inkhel dawn.

Inspector General, Assam Rifles-in Mizoram Football Association-te a sawm ang-in Shillong-a an team ṭhate leh Mizorama team ṭha inkhelhna tur hi buatsaih a ni dawn a; AR lam hian Mizo football player a tam thei ang ber sipaia an luh theihna tura ṭanpui an inhuam thu MFA hruaitute an hrilh.

Inspector General Assam Rifles (East) Major General MV Chandran chuan, "Mizo footballer ṭha sipaia an lut duh a nih chuan kawng kan kawhhmuh zel ang a, Assam Rifles-in football team
ṭha tak kan nei a, a thiam bikte tan Services kan nei bawk a, a thiamte tan chuan awlsam taka an kaisanna tur a inhawng zel bawk a, chuvangin AR leh MFA-te
ṭha taka kan thawhho chuan kawng a inhawng zel dawn a ni," tiin a sawi.

Bethlehem Vengthlang FC hi MPL5-a hmahruaitu an ni a, MPL-a fans nei ṭha an nih bakah mipuite beisei phak baka result nei ṭha chho mek an ni. He hunah hian chief minister Lal Thanhawla chu khuallian tura beisei a ni.