Hnawmhnawk rochuntu Southgate

England-in World Cup leh Euro qualifier match 14 chhung a zawna chak result an neih chu a tawp ta a, hetichung hian an awmna Group F-ah erawh hmahruaitu an ni. Three Lions manager Gareth Southgate chuan, "Qualifying khelh zel tur ngaihtuah chungin a hmasawn zawngin ke kan pen a ni. Zep lohah chuan team buai tak, hnawmhnawk thenfai ngai ka rochun a, zawi zawia insiamṭhat kan mamawh a ni," tiin vawi leh khata hmasawn vak tura beisei lo turin fan-te a chah.

Southgate chuan sawi chhunzawmin, "Kan tum ber chu World Cup 2018 khelh ngei a ni a, hmathlir thui tak kan neih a ṭul. Kha aia ṭha zawka khel thei kan ni tih mi zawng zawngin an hria a, Slovenia khan kan tihsual vang vekin goal hlauhawm kha an nei a ni," tiin an chetsual palh vanga Slovenia chu khel
ṭha anga lang chauh an nih thu a sawi.