Kerber chak nuamsa

Seeded pakhatna Angelique Kerber chuan Thawhlehni khan Hong Kong Open-a a match hma-sa ber khelin Maria Sakkari lakah harsatna nei loin 6-4, 6-4 in hnehna a chang. Australian leh US Open champion nilai Kerber hian world number 97 hneh tur hian darkar khat leh minute 21 bak a mamawh lo.

Kum 28-a upa Ker-ber hian nizan khan American Louisa Chirico a hmachhawn leh a, he thu ziah lai hian result kan hre hman lo. Serena Williams lak aṭanga WTA number 1
dinhmun chhuhsaktu Kerber hian season tawpa a sang pariat ten an khelh tur WTA Finals-ah seeded pakhatna ni chungin a in-lan dawn tih a chiang tawh.

Inkhel dangah cham-pion lai Jelena Jankovic chuan American Sa-mantha Crawford chu 6-3, 6-1 in a hneh a, world number 1 hlui Caroline Wozniacki chuan Zheng Saisai lakah 6-1, 6-4 in hnehna a chang ve bawk.