Rome an inhnukdawk

Italy khawpui Rome chu 2024 Olympic Games thlen tur khawpui pali zing aṭangin a inhnukdawk. Italy Olympic Committee-in an ruahmanna an sut chhan hi thuneitu leh mipui zing aṭangin thlawpna an hmuh ṭhat tawk loh vang a ni.

Rome an inhnuhdawh takah chuan Paris (France), Los Angeles (United States) leh Budapest (Hungary) te chiah hi 2024 Olympic Games thlen tuma hma la an ni ta rih a, nakkum Sep-tember thla khian In-ter-national Olympic Committee chuan infiamna khawmpui liam thlenna tur hmun hi an ti chiang dawn.

Five Star party aiawh Rome mayor zinga pa-khat Virginia Raggi chuan, "Tun dinhmunah chuan khawpui chhunga eirukna leh hnawm hnawk hrang hrang awm chinfel hmasak hi a pawimawh zawk," tiin a sawi.

Kum 2020 Olympics thlen tum khan Rome hian hma an lo la tawh bawk a, mahse prime minister Mario Monti-a'n an dawl zawh a rin loh avangin kum 2012 khan an lo inhnukdawk tawh. Tun
ṭumah hian Italy sorkar aṭangin thlawpna dawng
ṭha mah se Rome chhunga thuneitu leh mipui an lungrual tawk lo a ni.