Australia leh Japan inhnehtawk

Thawhlehni zan khan Asia football thiam ram pahnih Australia leh Japan te goal khat ve ve khungin an inhnehtawk a, hetih lai hian Iran chuan an mikhual South Korea chu 1-0 in an lo hneh ve thung.

Group B-ah Asia
aṭanga 2018 World Cup khel tum ram lian pahnih te hi Melbourne-ah an intawng a, mikhual tan Genki Haraguchi chuan minute ngana lekah goal khungin Japan hma a hruai pui. Bundesliga club Hertha Berlin midfielder hi first half-ah a changtupa ni mah se second half-ah a chesual a, penalty chawiin Australian tan midfielder Mile Jedinak-a'n goal-ah a chantir.

Inkhel dangah Saudi Arabia chuan UAE chu 3-0 a sawpin match li khelh tawh aṭangin point 10 hmuin table hmahruaitu an ni a, an hnuaiah hian hneh loh la tawng lo Australia (8) leh Japan (7) te an awm.

Group A lamah Iran chuan forward Sardar Azmoun-a goal khat khung hmangin an mikhual South Korea chu 1-0 in an hneh a, point 10 hmuin hruaitu an ni chhunzawm zel. Iran hian match li an khelh tawhah hneh loh an la tawng lo a, vawi thum hnehna changin ṭum khat chu an khingpui nen an inhnehtawk thung - Russia pan turin beiseina an nei sang zel.

Inkhel Results

Australia 1 - 1 Japan

Iraq 4 - 0 Thailand

Uzbekistan 2 - 0 China PR

Iran 1 - 0 South Korea

Qatar 1 - 0 Syria

Saudi Arabia 3 - 0 UAE

GROUP A

# Team Pld W D L GF GA GD Pts

1 Iran 4 3 1 0 4 0 4 10

2 Uzbekistan 4 3 0 1 4 1 3 9

3 South Korea 4 2 1 1 6 5 1 7

4 Syria 4 1 1 2 1 2 -1 4

5 Qatar 4 1 0 3 3 6 -3 3

6 China PR 4 0 1 3 2 6 -4 1

GROUP B

# Team Pld W D L GF GA GD Pts

1 Saudi Arabia 4 3 1 0 8 3 5 10

2 Australia 4 2 2 0 6 3 3 8

3 Japan 4 2 1 1 6 4 2 7

4 UAE 4 2 0 2 5 6 -1 6

5 Iraq 4 1 0 3 6 6 0 3

6 Thailand 4 0 0 4 1 10 -9 0