China fans an lungawi lo

Ningani khan China chuan World Cup qualifier-ah Syria 1-0 in an hneh lo a, Chinese fans lungawi lo te chu Zhuque Stadium kawtah pung-khawmin Chinese Football Association president Cai Zhenhua ban an phut.

China hian FIFA World Cup qualifier third round-ah hneh an la nei lo. An match hmasa berah South Korea chu 3-2 in an ngam lo a, Iran chu goal khung loa an inhnehtawkpui hnuah Syria an ngam loh leh tak avangin fan-te hian an lungawi lohna hi an lantir ta a ni. Syria hi FIFA ranking-ah 114-na niin China hi 78-na an ni thung.

Chinese Football Association chuan kumin aṭang khan an ram tana vawi 19 lo inlan ve tawh Gao Hongbo chu an coach atan an ruat a, kum khatah $120,000 (Rs 79,91,874) - $150,000 (Rs 99,89,842) inkar vel a hlawhah ngaih a ni. Chinese thuthar thehdarhtute chuan an ram coach hian Syria coach Ayman Hakeem aiin a let 41-in a hlawh hnem zawk niin an tarlang a, hei hian an lungawi lohna a tizual hle.

Thawhlehni zan hian AFC World Cup Qualifier hi khelh a ni leh dawn a, China hian Uzbekistan chu khualmualah an lenchilh ang.