North East-ah Mizoram an chak ber!

North-East India Open Classic & Equipped Powerlifting Championship 2025 chu May 3, Inrinni khan Silchar, Assam-ah neih zawh a ni a, Mizoram Powerlifting Association (MPA) aiawha kal Mizoram team chuan Team Champion Trophy nen Mizoram an lo haw e!

May 1, Ningani khan inelna hi neih ṭan a ni a, Mizoram hian gold medal 12, silver medal pakhat leh bronze medal pathum an la a, inelnaa ngaihhlut hlawh em em, classic leh equipped-ah Strongman Trophy chu Mizoram hian an lo hawn bawk.

MPA hian Powerlifting huangah sulhnu an nei hraw hle - North East India Open Powerlifting Championship hnuhnung berah khan Mizoram hian champion trophy a lo hawn tawh bawk a ni.