Semifinal-ah Sabalenka a lut

Madrid Open khelh laiah season hmasa lama pahnihna Aryna Sabalenka chuan semifinal a lut, a thiam pali zinga inhlangkai tur hian Marta Kostyuk chu 7-6(4), 7-6(7) in a hneh.

Seeded pakhatna Sabalebka hian hnehna chang turin darkar khat leh minute 24 chhung hun a hmang, khaw vawt leh thi thaw karah pawh fiahna hautak tak mai a paltlang hram.

Belarusian nula Sabalenka chuan, "Boruak awm dan avang khan inkhelh a awlsam lo hle a, ka tihsual hnua tho chhuak leh tur khan beih a ngai nasa ṭhin hle," a ti. Vawi 48 ngawt mai unforced errors a nei a, tihsual a ngah hle a ni.

Sabalenka hian a match lehpekah chuan Elina Svitolina a hmachhawn dawn. Ukrainian nula hian a zawna match 11 a chakna ni turin Moyuka Uchijima chu minute 52 chhung lekin 6-2, 6-1 in a hneh.

Champion tura rinkai zinga mi Iga Swiatek leh Coco Gauff te pawhin an khingpui ve ve an hneh a, player pahnih hi nizan khan final luh inchuhin an intawng zui leh nghal a, result erawh kan hre hman lo a ni.