Brazil-ah hmeichhe tennis inelna

Hun rei tak an nghah hnuah Brazil chuan hmeichhe tennis inelna a thleng ve leh dawn ta, kumin September-ah hian Sao Paulo-ah WTA tournament a awm dawn, kum 25 hnua hetiang inelna an thlen lehna hmasa ber a ni ang.

WTA 250 SP Open hi September thla tirah khelh a ni dawn a, Tunisia rama an khelh ṭhin Jasmin Open aiah an khel zawk dawn a, singles player 32 bakah double team 16 ten inelna an hmachhawn dawn a ni.

Brazil khawpui liana WTA inelna a awm hnuhnung chu kum 2000 daih tawh kha niin, singles inelnaah Hungarian player Rita Kuti-Kis a champion a, doubles huangah Laura Montalvo leh Paola Suarez te inkawp an champion thung.