Ronaldo hoin Al Nassr an tla

Cristiano Ronaldo khelhna Al-Nassr chu Nilaini zan khan Kawasaki Frontale lakah 3-2 in an chak lo a, Asian Champions League semifinal aṭangin an tla.

Japanese club Kawasaki tana Tatsuya Ito goal khung chu Sadio Mane-a'n a sut a, mahse Yoto Ozeki leh Akihiro Ienaga ta hmanga an vuat let avangin Sudi Arabian club tana Ayman Yahya goal khungin awmzia a nei phak tawh lo.

Al Nassr thiampuipa Ronaldo pawhin goal khung theihna remchang a hmu, mahse hun tawp dawn a hun ṭha bik a ti hlawhtling thei lo a, nomawi an beisei theih hnaivai ber chu an ban phak loha lak bo sak an ni leh ta.

Kum 40 mi Ronaldo-a'n 2022–23 season aṭangin Al Nassr tan a khel a, season thum chhung hun a hmang tawh, mahse nomawi a la chawi pui miah lo, beisei bo erawh an la ni bik lo.

Saudi Pro League season kal laiah pathumna an ni mek a, match 29 an khelh aṭangin point 60 a hmu - hmahruaitu Al-Ittihad an phak lohna erawh point riat lai a ni a, an chunga mite chetsual an chan a ngai tawh dawn a ni.