Paul hnehin Draper a tlang

Madrid Open khelh laiah Jack Draper chuan Ningani zan khan Tommy Paul chu 6-2, 6-2 a hnehin quarterfinal a in vaw kai a, semifinal thleng tur chuan Matteo Arnaldi a paltlang leh a ngai dawn a ni.

British number 1 Draper hian a khingpui Paul hi set khatna bikah chuan game thumnaah a service a chhuhsak, set hnihnaah pawh game sarihnaah chhuhsak lehin harsatna lian tham tawk loin a chak.

Seeded pangana Draper chuan, "Tommy hi player ṭha leh hmachhawn harsa tak a ni tih ka hria a, chuvangin ani hneh tur chuan tihsual neih tlem kha a pawimawh tih ka hre bawk, tihsual ka nei tlem kha ka vanneih phah," a ti.

Inkhel dangah Matteo Arnaldi chuan Frances Tiafoe 6-3, 7-5 in a hneh. Italian tlangval Matteo Arnaldi hian a match hmasa lamah Novak Djokovic pawh a lo hneh tawh a, tournament a khel ṭha tluang rih hle.