Alexander Zverev a tla

Madrid Open khelh laiah, champion tura rinkai zinga mi Alexander Zverev chu Francisco Cerundolo hneh loin last 16-ah a zinkawng a tawp a, an ram lama hlawhtlinna a chan ang chu a chhunzawm thei rih lo.

Hmanni lawka Munich Open nomawi chawitu Zverev hi Argentine tlangval lakah hian 7-5, 6-3 in a chak lo a, tunah chuan French Open lam atana a rilru a hmang nasa ang a, chumi hmain Rome khawpui lamah a inkhelh leh phawt erawh a rinawm.

Inkhel dangah Grigor Dimitrov chuan Jacob Fearnley chu 6-4, 7-6 (7/3) in a hneh a, seeded parukna Alex de Minaur pawhin Denis Shapovalov chu 6-3, 7-6 (7/3) in a hneh ve bawk.

Australian star Alex de Minaur hian a match lehpekah chuan Stefanos Tsitsipas hnehtu Lorenzo Musetti a hmachawn leh dawn a, inkhel a hautak ang. De Minaur hian season kal laiah match 24 hnehna a chang tawh, chak tam lamah Carlos Alcaraz nen an intluk mek a ni.