Bucks hnehtu Pacers

Indiana Pacers chuan nimin zing khan Milwaukee Bucks chu 119-118 uin an hneh a, Eastern Conference quarterfinal best of seven series khelh tur chu 4-1 in an la fel.

Pacers an chak theih nan Tyrese Haliburton a langsar, point 26 a nei. A point neih zingah hian hun tawp hma second 1.4 chauh a awm tawhah point a nei a, an chak theih nana sulsutu pawimawh a ni.

Bucks hian kum 2021 hnua a vawi khat nan NBA champion nih leh an beisei a, hun tawp hma second 40 chauh awm tawhah point sarih laiin hma an hruai thei. Amaherawhchu chu ho lam takin ṭum hnih ball an hloh chu an tuar.

Hnehna changtu Pacers hian conference semifinal-ah chuan Cleveland Cavaliers an hmachhawn leh ang. Cleveland hian Miami Heat chu 138-83 a hnehin series chu 4-0 in an lo la ve tawh bawk a ni.

Inkhel dangah Boston Celtics chuan Jayson Tatum-a point 35 hmangin Orlando Magic chu 120-89 in an hneh ve bawk a, nuamsa takin series chu 4-1 in an la a, nikuma season duhawm an hman ang bawkin an hmawr bawk leh theih an beisei mek.

Denver Nuggets chuan 3-2 a hma an hruai theihna turin Los Angleles Clippers chu 131-115 in an hneh ve bawk a, tlang turin match khat chak an la hmabak, a chak zawkin Oklahoma City Thunder an tum leh dawn a ni.