Kolkata-in Delhi an hneh

Indian Premier League-ah Kolkata Knight Riders-in knockout beiseina chhi nung turin Thawhlehni zan khan Delhi Capitals chu 14 runs-in an hneh. KKR hian 204/9 runs an siam a, Capitals-in 190/9 runs chauhin an chhanglet.

Arun Jaitley Stadium-a inkhelah Knight Riders an che ṭha rual a; Angkrish Ranghuvanshi (44), Rinku Singh (36), Sunil Narine (27), Rahmanullah Gurbaz (26) leh Ajinkya Rahane (26) ten a mawi tawk run ṭheuh siamin 204/9 runs an siam.

Delhi lamah Faf du Plessis (62), Axar Patel (43) leh Vipraj Nigam (38) te che ṭha mah se batter dangten an thlawp zo lo. 190/9 runs-ah an tawp.

Zanin dar 7:30 hian Rajasthan Royalsleh Mumbai Indians te an inkhel ang.