Kohli-a'n RCB a chakpui

Indian Premier League-ah Royal Challengers Bengaluru-in Ningani zan khan Rajasthan Royals chu 11 runs-in an hneh a, RCB hnehna channa kawngah 70 runs siamtu Virat Kohli a ṭangkai hle. RCB hian match kua an khelh aṭangin point 12 an hmu a, an chunga awm Gujarat Titans leh Delhi Capitals aiin khel tam mah se an point hmuh zat a inang.

M. Chinnaswamy Stadium-a inkhelah Rajasthan-in vawm hmasak an thlang a, top order an che ṭha. Phil Salt (26), Kohli (70), Devdutt Padikkal (50) leh Tim David (23) ten dinhmun ṭhaah RCB an dah a, over 20-ah 205/5 runs an siam.

Royals top order an che chhe lo a; Yashasvi Jaiswal (490 bakah Nitish Rana (28), riyan Parag (22) leh Dhruv Jurel (47) ten bul an ṭan ṭhat avangin chak beiseina an nei hial. Over hnih la awmin 18 runs siam a ngai a, thil theih ni mah se a tawpah RCB bowler-te an dingchang ta zawk.

Josh Hazlewood-a'n wicket li lain 33 runs a pe a, over 19-naah wicket hnih lain run khat chauha pe a, hei hi RCB chakna chhan a ni. Zanin dar 7:30 hian Kolkata Knight Riders leh Punjab Kings te an khel dawn a; April 27, Pathianni hian Mumbai Indians leh Lucknow Super Giants te bakah Delhi Capitals leh Royal Challengers Bengaluru te an inkhel ang.