Howe-a'n hna a thawk leh tawh

Newcastle United manager Eddie Howe chu pneumonia vanga damdawi ina a inenkawl hnuin hna a thawk leh tawh. Kum 47 mi Howe hi tun thla tir khan damlohna avangin damdawi inah dah luh a ni a, a awm loh chhung hian assistant manager Jason Tindall leh coach Graeme Jones ten ai an lo awh a ni.

Magpies hi Premier League table-ah panganaah an awm mek a, April 26, Inrinni zan hian St James' Park-ah Ipswich Town an mikhual ang. Tun season-ah Newcaslte hian Liverpool hnehin League Cup nomawi an chawi tawh a, season thara Champions League khelh tumin a sang panga china awm an tum mek.

Tindall leh Jones kaihhruaina hnuaiah Magpies-in Manchester United 4-1 in hneh a, Crystal Palace 5-0 in hneh zui mah se an match hnuhnung berah Aston Villa lakah 4-1 in an tlawm. Newcastle-in season thara Champions League an khelh theih nan manager Howe-a uapna an mamawh hle.