Rohit a 'hit' leh ta

Mumbai Indians-in Nilaini zan khan Sunrisers Hyderabad wicket sarihin an hneh a, Indian Premier League-ah a zawna vawi thum chakin pathumnaah an inhlang chho. Rajiv Gandhi International Stadium, Hyderabad-a inkhelah Sunrisers-in bat hmasain 143/8 runs an siam a, Mumbai hian over 15.4 lekah 146/3 runs siamin hnehna an chang.

Indians tan Trent Boult a che ṭha a, opener pahnih Travis Head (0) leh Abhishek Sharma (8) te run tam an siam hmain pavillion-ah a thawn kir. Boult hian 26 runs siamin wicket li a la a, Sunrisers-in over 143/8-ah chauh an siam phah. Inkhela langsar ber erawh Rohit Sharma a ni a, India opener hian ball 46-ah 70 runs a siamin Mumbai-in awlsam takin hnehna an chan theih phah.

Rohit Sharma hian Chennai Super Kings an hneh ṭumin ball 45-ah thi loin 75 runs a siam a, a zawna an chakna kawngah a pawimawh hle. Zanin dar 7:30 hian Chennai Super Kings-in Mumbai laka tlawm Sunrisers hi an hmachhawn lehnghal ang.