Celtics lakah Celtics chungnung

Nimin zing NBA playoff inkhelah Boston Celtics chuan an khingpui Orlando Magic chu 109-100 in an hneh a, best of seven series khelh turah Celtics hian 2-0 in hma an hruai mek.

TD Garden-ah inkhel a hmuhnawm a, boruak a sang bawk - Boston Celtics forward Kristaps Porzingis chuan a chalah hliam a tuar a, thisen a chhuak in buaipui a ngai hial a ni.

Quarter thumna an khelh laiin 7ft 2in zeta sang Porzingis hi Goga Bitadze chuan a nghawk a, court-ah tluin thisen a chuak zui; a hliam hi enkawl lailawk a nih hnuin quarter hnuhnung berah chuan a inlan leh hma ta tho.

Seeded pahnihna Celtics tan hian Porzingis-a'n point 20 a score bakah rebound ṭum 10 a la a, point nei tam ber erawh Jaylen Brown niin ani hian point 36 a nei thung a, hliam vanga Jayson Tatum khelh theih loh laiin team an lo chakpui.

April 26, Inrinni zing dar 4:30-ah game 3 an khel chhunzawm leh ang.