MPLU17-ah a ruh no an lang ṭan

Mizoram Premier League Under 17 chu vawiin hian RG Stadium-ah khelh chhunzawm a ni dawn. Chhun dar 11:30-ah table chunga awm pahnih Aizawl FC leh Chanmari FC an inkhel dawn a, ngaihven tur erawh inkhel dang pathum a ni.

MPL club hlun pahnih Aizawl FC leh Chanmari FC te hi chuan semifinal an thleng mai dawn niin a lang a, hmunruak pahnih hnawhkhattu tur hi hriatthiam a la har. Saikhamakawnin table mawngphaha awm Kulikawn FC an hmachhawn dawn a, a sang palia dinhmun sawhnghet theihna remchang a ni ang.

Chawhnu dar 1:30-ah SYS leh Kanan an inkhel ang a, Kanan hi an chak lo a nih chuan semifinal khelh a harsa tawh dawn. Tlai dar 3:30-ah Mizoram Police FC leh Dinthar FC te an inkhel ang a, a chak lo zawk tan semifinal beiseina a tawp ang.