One Day Athletics Meet-ah Mizoram record thar

Aizawl District Athletics Association chuan April 23, Nilaini zan khan RG Stadium-ah One Day Athletics Meet an buatsaih a, a hlawhtling hle. K. Zodingliana (high jump), H. Ngohlaso (3000m), Lalmuanpuia (400m) leh Elisian Medai (100m) ten record thar an siam a, high jump-ah Laldanfeli'n record a nih rual bawk.

One Day Athletics Meet-ah hian district hrang hrang aṭangin athlete mi 56 an kal a, Mizoram chhunga flood light hnuaia athletics inelna hmasa berah hian MSSC Non-Residential Coaching (NRC) an chungnung.

MSSC NRC 'A' chu a pumpuiah pakhatna an ni a, gold pali bakah silver paruk an la. MSSC NRC B-in dawtin anni hian gold pali, silver pakhat leh bronze pahnih an la ve bawk.