Antony-a'n goal khung leh ta

Real Betis chuan Thawhṭanni zan khan La Liga inkhelah 3-1 in Girona an hneh a, Antony chuan minute 39-naah half volley hmangin a khung a, a team a chakpui.

Betis tan hian Johnny Cardoso chuan minute rukna lekah goal hmahruai a khung a, Antony leh Isco ten an belhchhah - Girona tan Cristhian Stuani chuan minute 85-naah a khung ve a, awmzia a nei phak tawh lo.

Antony hian January 25 khan Manchester United chhuahsanin, Betis hi season tawp thleng loan-a khel turin a zawm a, inelna hrang hrangah match 17 khelhsak tawhin, vawi nga goal a khungna a ni a, assist vawi li a nei bawk.

Brazilian forward-in Betis a pan hnuah Spanish club hian league match 12 khelin vawi riat an chak a, an match hnuhnung pahniha an chak zawh loh hnua an chak avangin Champions League pawh an beisei ve leh ta - match ruk khelh tur la awmah palina Athletic Bilbao chu point ruk chauhin an phak tawh lo.