Thih leh dam kara leng Champhai vs Saron

Sharda University Mizoram Super League X relegation playoff final game 1 chu zanin dar 8:30 hian khelh a ni dawn a, Champhai BC leh Saron Veng BC te R. Dengṭhuama Indoor Stadium-ah an intawng ang.

MSL aṭangin club pathum an tla dawn a, Bungkawn LB Associates leh Electric Veng BC ten Mizorama basketball inelna sang ber hi an mangṭha tawh - relegation playoff final hmangin an hnungzui tur zawn a ni dawn.

Relegation playoff final hi best of three series-a khelh tur a ni a, a chak zawk MSL-ah an cham chhunzawm ang a, a chak lo zawk erawh an relegate dawn. A tawi zawnga sawi chuan club pahnih hi thih leh dam kara leng an ni.

Champhai tan Dee Franklin bawk chu player langsar ni leh tura ngaih a ni a, Lalropuia'n a rintlakzia a pholang fo bawk. Player pahnih an chet ṭhat chuan Champhai tan chakna chance a sang dawn, tiin a sawi ngam a, chutihrual chuan Aizawl khawpui pawn club awmchhun hi Champhai mi, Aizawla awmten an ṭawiawm ṭhat a ṭul.

Saron-in Champhai aiin tawnhriat nei tlem mah se, he team hi T. Lalhriatzela, Frederick Elombi leh Abhishek Tyagi te kawltu an ni a, Champhai laka chak tum ngam tur an ni - veng mipui thlawpna an mamawh tel bawk.