MFA Sr Vice President-in Grassroots a hawng

Thawhṭanni tlai khan Mizoram Football Association Grassroots Centrr, Lammual a mi chu MFA sr vice president PC Vanlalhruaia'n a hawng. MFA-in hun rei tak chhung grassroots a kalpui hnuah hun rei lote chhung khaih lakin kuminah aṭangin sikul banah kalpui leh a ni ang.

Hawnna hunah hian grassroots naupang bakah an nu leh pa te an kalkhawm a, MFA honorary secretary Lalrengpuia'n kaihhruaiin ani hi MFA Honorary Secretary a ni bawk. MFA hnuaia Grassroots & Youth Development Committee vice chairman Hmingthansanga'n fuihna hun a hmang.

MFA Grassroots Centre aṭangin ISL leh I League player bakah Mizoram aiawh thei player eng nge maw zatin bul ṭan nan an hmang tawh a, All India Football Federation aṭang pawhin Best Grassroots Award te pawh a dawng tawh. Reliance buatsaih Naupang League-ah season tinin category pakhat emaw a aia tamah an champion ziah bawk.