Chelsea tan hna a awlsam

UEFA Conference League khelh laiah Chelsea chuan harsatna lian tham an la tawk lo - Blues hian Ningani zan khan quarterfinal first leg an khel a, an mikhualna ramah Legia Warsaw chu 3-0 in an hneh.

Poland rama inkhelah Blues tan hian Noni Madueke chuan goal hnih a khung a, ani bakah hian an academy chhuak Tyrique George chuan goal khat dang a khung ve bawk.

Chelsea manager Enzo Maresca-a'n an academy aṭanga inzir chhuak player a hmang nasa a, tun ṭumah pawh hian George-a'n a goal hmasa ber a khung bakah hian rawlthar Josh Acheampong a khel ṭha hle bawk a ni.

Maresca chuan, "Player an khel ṭha em em vek a, chung zingah chuan kum 18 mi Josh Acheampong khan min ti lawm. Chelsea khelh dan phung thiam sa, hmabak êng tak tak kan nei hian min ti thlamuang," tiin a sawi.

Chelsea hian Premier League an ngaihtuah leh nghal a ngai dawn. Pathianni zan dar 6:30-ah Ipswich Town an mikhual zui leh nghal ang.