AIFF logo thar tlangzarh

India ram tlawha lo zin mek FIFA president Gianni Infantino chuan All India Football Federation (AIFF)-in logo thar an siam chu a tlangzarh a, AIFF logo thar tlangzarhnaah hian Asian Football Confederation president Shaikh Salman Bin Ibrahim Al-Khalifa, sports minister Vijay Goel leh AIFF president Praful Patel te an tel.

FIFA president Gianni Infantino chuan, "Football hi India rama infiamna ngaihhlut ber a nih theih nana hma la turin ruahmanna kan siam a, FIFA chuan AIFF nena ṭangkawpin India rama football-in hma a sawn zel theih nan hmalak a tum a ni. League sang bera Indian Super League siam tum a nih chungchangah pawh AIFF hian mitin lungrual tlan theihna turin thutlukna a siam theih ka beisei a ni," tiin a sawi.