MSL All Star khel zo

Mizoram Super League All Star match chu Zirtawpni zan khan R. Dengṭhuama Indoor Stadium, Mualpuiah khelh a ni a, Team Runmawi chuan 94-72 in Online Mizoram team an hneh.

MSL All Star-ah ram pawn player an langsar a, Runmawi tan Kenneth J. Perkins Jr. chu player langsar ber niin, Zemabawk BC chhuanvawr hian point 35 ngawt a score a, Khatla TBL player Nary James chuan point 25 neiin a thlawp ṭha viau bawk.

Online Mizoram lamah Justin Scott Sylver a langsar tih loh chu player langsar sawi tur an awm lo a, Bungkawn LB Associates player ṭha hian point 22 ngawt a score - a team chakpui nan erawh a tawk lo.

Mizorama basketball inelna sang ber MSL hi league round khelh zawh tawh a ni a, Thawhlehni zan aṭangin knockout round khelh ṭan a ni ang.