Swiatek leh Raducanu inkhel dawn lo

Billie Jean King Cup aṭangin Iga Swiatek a inhnukdawk a, ram leh ram hmeichhe tennis inelna hmanga aṭang hian Emma Raducanu pawh a inhnukdawk ve bawk.

Kum 23 mi Swiatek hian mimal a hun hman tam a mamawh niin a sawi a, hei vang hian Poland-in April 10-12 chhunga Switzerland leh Ukraine an hmachhawn hunah a tel dawn lo a ni.

Grand Slam vawi nga champion tawh Swiatek chuan, "Hetiang thu sawi hi a hrehawm ka ti hle a, mahse ka dinhmun min hriatthiampui turin ka duh, ka tan inelna hmachhawn tam lutuk hi a remchang rih lo a ni," tiin a sawi.

World number 2 Swiatek-i'n tournament a khelh hnuhnung ber chu Miami Open kha a ni a, quarterfinal-ah kum 19 mi Alexandra Eala a hneh lo, tunah chuan clay court season an hman tur atan muangchangin a inbuatsaih thei ang.

Britain tan Emma Raducanu pawh a khel dawn lo - US Open champion hlui hian hahchawlh rih a duh a, hei vang hian an ramin Netherlands leh Germany an hmachhawn hunah a inlan ve dawn lo a ni.