Driver thlak chungchangah Verstappen a lawm lo

Tun hnai khan Red Bull chuan an driver pakhat zawk Liam Lawson an thlak a, a aiawh turin Yuki Tsunoda an lak thu an puang nghal, driver thlak chungchangah Max Verstappen chuan a lawm lo tih a sawi.

Red Bull hian season hmasa tawp rual khan Sergio Perez an mangṭha, kum hnih dain inremna an ziah aṭanga thla ruk hnu lekah an inṭhen a ni - Perez aiah hian Lawson an lalut thung.

Tun season atan Lawson hian inelna pahnih a hmachhawn tawh a, beisei a phak lo. Hun rei lote chhungin Lawson aiah Tsunoda an la leh nghal a, thil thleng hi F1 driver hlui pakhat Giedo van der Garde chuan in diriamna leh atthlak taka chetna niin a sawi.

Social medai lama Giedo van der Garde-a thu sawi hi Verstappen chuan a thlawp a ni tih lantir nan a 'Like' a, hemi chungchangah hian Max-a chuan, "Ka tihsual palh a ni lo a, like khan thil nihna tak a lantir zawk," tiin a sawi.

Pathianni chawhma dar 10:30 hian Suzuka Circuit-ah Japanese Grand Prix an tlan leh dawn a, tun season atana intlansiak pathumna tur a ni ang.