Titans tan Buttler a vul

Indian Premier League-ah Gujarat Titans chuan Jos Buttler chet ṭhat zarah Royal Challegers Bengaluru chu wicket riatin an hneh. M. Chinnaswamy Stadium-ah mualneitu Royal Challengers-in 169/8 an siam a, Buttler-a'n thi loin 73 runs a siam a, over 17.5-ah 170/2 runs siamin hnehna an chang.

Buttler hi tun hnaiah ram tan a che ṭha tawk lo a, Champions Trophy-a England an tlak hnuah captain hna a chawlhsan. Tunah erawh Buttler-a'n ngai a awh leh tawh a, 73 runs siam turin ball 39 chauh a mamawh.

English batter Buttler hian RCB opener Phil Salt-a ball vuak a man ṭhelh a, England tana a khelhpui Liam Livingstone stump out theihna hun ṭha a hlah bawk. Buttler chuan, "Fielding-naa ka chet dan avangin ka zak a, batting lamah insiamṭhat tumin ka infuih nasa. Ka hrehawm tihna khan run tam zawk min siamtir a ni," tiin a sawi.

Zanin hian IPL khelh chhunzawm a ni dawn a, zan dar 7:30-ah Lucknow Super Giants leh Mumbai Indians te an khel ang.