Leipzig hnehtu Stuttgart

VfB Stuttgart chuan Nilaini zan khan RB Leipzig 3-1 in an hneh a, tun hnai kum 12 chhunga a vawi khat nan German Cup final an lut, final-ah hian third division club Arminia Bielefeld nen an inkhel ang.

MHPArena-a inkhelah, minute ngana lekah Angelo Stiller chuan goal a khung ṭan, second half tir lamah Nick Wolrenmade chuan khung belhin Stuttgart chu dinhmun ṭha takah a dah.

Mikhual RB Leipzig lamin Benjamin Sesko hmangin chhanglet mah se, mualneitu lamin Jamie Leweling hmanga vaw let lehin chak phu zawk an chak a, kum 1997 hnua a vawi khat nan nomawi chawi an tum ve leh dawn a ni.

German Cup-ah hian Bayern Munich chu last 16-ah Bayer Leverkusen hneh loin an tla tawh a, mahse German champion Leverkusen pawh hi third division club Arminia Bielefeld hneh loin semifinal-ah an zinkawng a tawp ve bawk.