Brighton lakah Villa chungnung

Marcus Rashford, Marco Asensio leh Donyell Malen te goal hmangin Aston Villa chuan Brighton & Hove Albion chu 3-0 in an hneh a, khualmualah point thum an hlawh chhuak.

Manchester United aṭanga loan hmanga an hawh Rashford hian FA Cup lamah goal a khung tawh bawk a, a club nghet lamin chhawr duh lo mah se Unai Emery kaihhruaina hnuaiah a intuaihriam chho leh mek a ni.

Villa manager Emery chuan, "Team ṭha tak lakah goal chhuah loin hnehna kan chang a, kan tlarhma lam an hriam ṭha em em bawk. Kan chunga mite hnaihchilh theihna remchang kan hmang ṭangkai thei hi a lawmawm," a ti.

EPL-ah Villa hi pasarihna an ni mek - Champions League quarterfinal khelh hmabak an la nei bawk a, kar leh hian Paris khawpuiah Paris Saint Germain an lenchilh dawn a ni.