Shreyas Iyer hoin Punjab-in bul an ṭan ṭha

Indian Premier League-ah Punjab Kings-in bul an ṭan ṭha a, Shreyas Iyer-a'n thi loa 97 runs a siam zarah Gujarat Titans 11 runs-in an hneh. Narendra Modi Stadium-ah Punjab King-in vaw hmasain 243/5 runs an siam a, Gujarat Titans chhanletna chu 232/5 runs chauh a ni.

Thawhlehni zan inkhelah Gujarat-in vawm hmasak an thlang. Kings opener Priyansh Arya-a'n 47 runs siamin bul a ṭan chhe lo a, captain Shreyas Iyer a langsar ber thung. Shreyas Iyer hian ball 42 lekah 97 runs a siam a, target ṭha tak an siam chhanah hmun pawimawh a chang.

Gujarat opener Sai Sudharsan (74) leh captain Shubman Gill (33) ten bul ṭan chhe lo mah se an target a sang mah mah. Jos Buttler (54) leh Sherfane Rutherford (46) ten chakpui tham runs an siam lo a, an chak lo dan ti mawi hnaitu chauh a ni.

IPL-a team 10 ten match khat ṭheuh an khel ta vek a, nizan aṭangin match hnihna an khel ṭan. Zanin dar 7:30 hian Sunrisers Hyderabad leh Lucknow Super Giants te an inkhel dawn.