Alonso-a nghawng a hliam

Fernando Alonso chuan a nghawng a na tih a sawi a, a hliam vang hian April thlatir lama tlan tur Formual 1 Japanese Grand Prix atan a dinhmun a chiang rih lo.

Kum 43 mi Alonso hian season hmasa khan beisei phak baka ṭhain a hmang, mahse kuminah erawh beisei a phak rih lo, intlansiak vawi hnih an neih tawh chinah point a la hmu ve miah lo a ni.

Spanish driver Alonso chuan, "Tun hnaiah ka nghawng a na, hei vang hian a venna pawh ka vuah a ngai hial ṭhin. Intlansiak theih lohna khawp chu ni lo mah se min nghawng tih chu ka hria.

"Kum bul kan ṭan chauh a ni a, hmabak tam tak a la awm. Taksa dam ṭha ver vawr neih chu a pawimawh hmasa a ni, team lam pawhin ka dinhmun an ngaichang reng bawk," tiin a sawi.

Alonso hian a vanglai chuan Formula 1 title hi vawi hnih a la tawh, mahse kum 2013 hnu lamah intlansiak hoah chak ni hmel a la hmu leh lo; car intlansiakna sang berah hian a chak leh thei a nih chuan a vawi 33-na tur a ni ang.