Semifinal-ah Sabalenka a tla

Aryna Sabalenka chuan tun hma lama a tih theih ngai lo tih tumin hmalam a pan, nimin zing khan Zheng Qinwen chu straight set hmanga hnehin a vawi khat nan Miami Open semifinal a lut.

World number 1 Sabalenka hi set hnihnaah chuan a hnufual zawk hman, mahse a tawpah erawh Chinese nula lakah hian 6-2, 7-5 in hnehna a chang a, final lut tur chuan Jasmine Paolini a paltlang leh a ngai dawn a ni.

Kum 26 mi Sabalenka chuan, "Zheng nen hian kan inkhel fo tawh a, mahse match awlsam a la awm ngai lo. Tun hma lama ka la thlen ngai loh a nih avangin rilru pawh a danglam," tiin a sawi.

Inkhel dangah Paolini pawhin Polish nula Magda chu 6-3, 6-2 in a hneh ve bawk - Italian nula zingah Miami Open semifinal lut hmasa ber a ni, a hmabak erawh a hautak dawn tawh avangin thapui a thawh a ngai ang.

British nula Emma Raducanu pawhin kawng dik a zawh - US Open champion hlui hian Amanda Anisimova chu 6-1, 6-3 a hnehin quarterfinal a lut a, tukin hian seeded palina Jessica Pegula nen an inhmachhawn ve leh a ni.