Vawiin aṭangin Inter Dist Tourney

Reliance Naupang League pual Inter District Tournament chu vawiin aṭangin RG Stadium-ah khelh a ni dawn. Naupang League khelhna district pali Aizawl, Champhai, Lunglei leh Kolasib ten inelna hi an hmachhawn dawn a, category pahnih Under 12 leh Under 14 a awm ang.

Category tinah hian district pali te hian team hnih ṭheuh an thawh dawn a, district champion bakah Best of the Rest (BoR) ten inelna hi an hmachhawn ang. Inelna hi an March 28, Zirtawpni zan thleng a awh dawn.

Naupang League technical head (Mizoram) Lalrindika chuan, "Tun hi season thumna a ni ta a, season hnih kan neih zawh takah pawh khan Inter District Tournament hi neih a ni. Season tinin hmasawnna hmuh tur a awm a, tun ṭumah pawh hian inelna ṭha tak kan buatsaih theih kan beisei a ni," tiin Vanglaini a hrilh.