Diamond Harbour an kal fal dawn em?

I League 2-ah Diamond Harbour an che ṭha ber a, Kolkata club hian vawiin chawhnu dar 2:30 hian Trau an hmachhawn dawn. Diamond Harbour hi table chung bera awm an nih avangin Trau lakah chak mai tura ngaih ni mah se an khelhna tur hi Khuman Lampak Stadium a nih miau avangin Kolkata club tan pawh point hloh theih a ni.

Team pahnih hi tun ṭum inelna hmasa berah an inhmahchhawn a, Diamond Harbour hi 3-1 in an chak. Trau hi relegation zone-ah awm mah se, Imphal-ah chuan Kolkata club United Sports Club leh SAT Tirur pawh an hneh thei a, Chanmari pawhin harsa takin hnehna an chang hram.

Hei vang hian Jose Antonio Vicuna kaihhruai Diamond Harbour pawh an fimkhur khawp ang. Kolkata club hian hnehna an chang a nih chuan khelh zat inangah Chanmari aiin point liin an hmu tam zawk dawn. Mizo club pawhin Imphal-ah match pawimawh an nei a; March 25, Thawhlehni hian Trau aia result nei ṭha zawk Neroca an hmachhawn thung dawn.