Last 16-ah Sabalenka, Osaka & Gauff

Tennis inelna Miami Open khelh laiah Aryna Sabalenka chuan last 16 a invaw kai a, player ṭha dang Naomi Osaka leh Coco Gauff te pawh a thiam zual zingah an inhlangkai ve bawk a ni.

World number 1 Sabalenka tan hna a harsa lo, a khingpui Elena-Gabriela Ruse chu match pangngai an khelh zawh hmain hliam vangin a khel chhunzawm thei lo; set khatna bik chu Sabalenka hian 6-1 in a la hman a ni.

Osaka erawhin fiahna hautak a paltlang - Japanese nula hi wildcard hmanga inlan Hailey Baptiste nen an inkhel tawk hle a, darkar hnih leh minute 59 an inkhelh hnuah erawh Osaka hi 7-6 (8-6), 3-6, 6-4 in a chak.

Seeded pathumna Gauff erawhin set a hloh lo - American nula hian Greek player Maria Sakkari chu 6-2, 6-4 in a hneh, a match hmasa zawkah Sofia Kenin chu minute 47 chhung lekin a lo hneh tawh bawk a ni.