CYMA Football 2025 : 43 days to go

CYMA leh MFA ṭangkawpin May 6, 2025 aṭangin LBS Suzuki 22nd Inter Branch YMA Football Tournament an buatsaih dawn tih an puang a, tualchhung football ngainatuten an sawi nasa. CYMA hnuaia branch hrang hrangten tel ngei tumin ruahmanna an siam chho a, CYMA Football puala meeting nei branch ṭhahnem tak an awm nghal. Chutihrualin April thla Committee-a rel tur branch te pawhin thla khat chhung inbuatsaihna hun an la nei thei ang.

Entry Fee hi Rs. 1,000 a ni a, Central YMA Office emaw GPay hmagnin 9774263515-ah a pek theih. Entry fee hi April 25, 2025 ral hma thleng a pek theih. Inelna pet hawnna hi April 29, Thawhlehni zan dar 8:00 hian CYMA Hall-ah neih a ni ang.