NE Chess Festival a hlawhtling

NorthEast Chess Festival 2025 chu nimin khan hlawhtling takin zawh a ni. Inelna hi FIDE rated rapid and blitz tournament a ni a, March 20-21, 2025 khan Tourist Lodge Chaltlang-ah a neih a ni.

NE Chess Festival hi NEC sponsor a ni a, Mizoram Chess Association (MCA) in an buatsaih. AICF head of operation AK Verma chu khuallian a ni a, KM Warjri leh Rajib Dhar te chu khual zahawm an ni. KM Warjri hi AICF hnuaia committee (Chess Development in NE and Adaman & Nicobar) ah khuallian a ni a, Rajib hi AICF hnuaia Events Commission-ah chairman a ni thung.

Inelnaah hian Aaryan Varshney chu Rapid leh Blitz event-ah pakhatna a ni ve ve a, category hrang hranga pakhatna te pawh inelna pahnihah pakhatna an ni kawp zel bawk.