France ngamtu Croatia

Croatia-in Stadion Poljud-ah France an mikhual a, first half-a Ante Budimir leh Ivan Perisic te goal hmangin 2-0 in an chak. Les Bleus hian Kylian Mbappe, Ousmane Dembele, Michael Olise leh Bradley Barcola te nei mah se a chhanletna an nei lo.

Croatia hian goal hnih ngawtin hnehna chang mah se inkhelh ṭantir lamah Andrej Kramaric-a'n penalty a hlah. Luka Modric-a captain-na hnuaia khel Croatia an hnual phah lo a, minute 26-naah Perisic-a cross chu Ante Budimir-a'n a tauh lut. First half injury time-ah Perisic hian ṭha zetina volley leh bawk.

Les Bleus hian goal khung lo mah se vawi ṭhahnem tak Croatia an rum ṭhaih a, second leg hi an mual Stade de France-a khel tur an nih bawk avangin semifinal luh beiseina an nei ang.