Chelsea-in player pahnih an lei

Football bazar hun ni lo mah se Chelsea chuan player thar pahnih an lei fel. Sporting Lisbon midfielder Geovany Quenda leh Dario Essugo te pahnih chu pound maktaduai 62.4 sengin an lei tih Portuguese club lamin an sawi.

Kum 17 mi Quenda hi winger a ni, a man zat hi pound maktaduai 44 nia sawi niin 2025-26 season tawp thleng chu loan hmangin Sporting tan a khel zui ang.

Kum 20 mi Essugo hi defensive midfielder a ni thung a, loan hmangin Las Palmas tan a khel mek - nipui bazar inhawn hunah Stamford Bridge a pan thung dawn a ni.

Chelsea hian tun hnai khan kum 17 mi Brazilian winger Estevao Willian leh Ecuadorian midfielder Kendry Paez te an lo lalut tawh bawk, tuna chhawr nghal mai theih aiin nakina la ṭha tur lak an thlang zawk.