Roma-in Sczesny la lut dawn

Serie A club AS Roma chuan Arsenal keeper Wojciech Szczesny chu loan-in an la lut dawn.

Kum 25-a upa Polish goalkeeper chung­chang­ah hian Arsenal leh Roma chu an inrem tawh niin Sky Sport Italia leh English media ṭhahnem takin an ziak.

Szczesny hi London club hian chhuah an remti tawh a, Italian club-ah medi­cal test chiah a hma­bak tawh a, Roma hian Polish keeper hi lak ngheh an duh chuan pound mak­taduai 3.5-in an la nghet thei niin an tarlang bawk.

Arsenal-in Chelsea aṭangin pound maktaduai 10 bawr velin Petr Cech an la lut a, Szczesny hian nikuma pound maktaduai 3-a Arsenal-in Nice aṭanga an lak luh David Ospina a tluk loh bawk avangin London club chhuahsan hi field chhunga hun tam zawk hman nan a pawimawh a ni.

Roma hian Szczesny hlawh ṭhenkhat hi Arse­nal pek tir an tum a, Lon­don club lamin an duh lo. Polish keeper hian starting eleven chang turin kum 38-a upa Morgan De Sanctis nen an inel ang.